Short hike

The weather is great, so went with Alex for a very short hike.

濕地公園

More photos here.

17 樓落街都唔死得, 點解?

一個老掉牙的問題, 答案係: "因為好彩囉!"

真人真事發生了.

聖誕節, 奇蹟出現了. 我們一起期許奇妙事吧!

祝聖誕快樂!

大型傳媒公司商討合作計劃與 Youtube.com 競爭

Viacom 就表明唔參與. Fox 同 NBC 仲有機會玩落去...

成件事有少少捉錯用神... Youtube 既最大特式係 user generated content. 如果想睇 Prison Break 既 trailer, 用家會去 fox.com 睇啦, 一唔係上 google 搵; 要睇全集就去 istore download, 一唔係就 XXXX 版... 使鬼去 youtube.

真係想整個 site 同 youtube 爭, 跟本唔需要傳媒公司 backup. 最重要係擊中一d youtube 既死穴, 用家就會好快咁轉過去. 不過, 說時容易做時難: youtube 其中一個大問題係畫質差, 但呢個問題技術上唔易解決. 另即使有一個好的技術, 也需要大量金錢去推動; 更要加上一點運氣才能成功.

至於傳媒公司點樣就其所擁有的片斷向 youtube 敲一筆, 各公司目前仲未有一個共識. 唯一共識既係: 個個都想要錢...

即使是 user video content, 日後亦會有演變的. 現在已有很多 "videolog" 既出現, 日後亦可能有其他更有創意的模式... 要放長雙眼睇勒.

Merry Christmas!!

Alex playing 'Joy to the World'.

Freakonomics - 內地孕婦來港產子的經濟學

據報導，醫管局打算建議將內地孕婦來港生產的價錢提高至最高4-5萬，有做產前檢查的會有減價。

我之前都 blog 過，加價跟本解決唔倒內地孕婦湧來香港的問題。跟據 Freakonomics 既分析，仲反而會令問題更惡化。

Freakonomics 認為所有人行動的動機並不單只有經濟動機，還有是道德動機。雖然國內的人道德水平不高 (哈!)，但要長途跋涉來港生仔，不單要面對日後子女生活上的問題 (如在那裡長大? 香港還是國內? 在國內會有戶籍問題，在香港則要骨肉分離！) ；亦要面對其他人冷言冷語，確實是有一定的道德壓力。

但假如將來港分娩價定在上述價位，不單無助消減來港分娩的經濟動機 (國內超生罰款很高，見我另外的 blog)，還把道德上的阻力掃除了。國內的人會想： "收費那麼貴，只要我付得起便可以來。反正你也是賺我錢的吧！既然香港要賺這樣的錢，想來必有很多同胞去香港產子，那看來到港分娩也是好處很多的啊。別想了。就去吧！"

一句： "老子有錢更可以來產子！" 就是想以加價來解決內地孕婦氾濫的寫照。內地有錢的人可多的是！所以說：加價只會令更多內地孕婦來港。當然，出生的小孩留港引發日後一連串的社會問題如教育體系的負擔；大量小孩與父母分開成長；人口供應忽上忽落；新增加人口的質素..... 以後知後的香港政府，我實在非常擔心！

在 Freakonomics 一書中亦列舉了不少加了價但問題更加嚴重的例子。醫管局高層看一看吧。這書可是2005年的 Best Seller 呀!

The beginning of the end for books?

The Sony Reader.

It may be a good start, but I won't bet on it's success. It's just huge! Similar function is already offered a decade ago on Palm platform, and the Windows Mobile also have a very nice book reader. For bigger size, you can have the sub-note book. So why border another device?

Experiment #214 - Mentos + coke

I've seen the first video approx. a year ago, which is small scale single bottle fountain only. Without jumping into explaining the chemistry behind the action, Coca Cola and Mentos sponsors these guys for such a full-blow presentation. They believe it helps the proaganda of their brand - do you agree?

Skype 測謊 software

Skype可測謊

有冇咁神奇呀? 真係既話可能出現以下skepe 電話對話:
sales: 呢個價已經最平架勒. 再平公司要賠本架
client: skepe 話你講大話... 快d再平d. 唔係同你老細投訴你

大家要小心勒!

仲係痛呀!!

上星期四拆左線, 不過而家仲係有少少痛呀! 拆線前太恐怖, 我連睇都唔係好敢睇... 冇影相.

拆線後一星期, 已經好睇少少...

霸王硬上弓

孫明揚話, 現時停止清拆天星碼頭係不設實際....

唔知係邊個下令抬走示威者開工拆碼頭呢? 等多一兩日等埋立法會委員會既開會結果先去拆唔得咩? 都開左工, 就梗係破壞左建築啦!

呢個政府做事真的十分無賴. 就好似粵語長片裡面既強奸犯同受害人講: "都米已成炊咯, 你不如做我二奶....吧啦!"

內地孕婦來港問題

呢個報導咁寫:

- QUOTE -
京定性港內部行政問題
衛生福利及食物局(相關新聞 - 網站)長周一嶽(相關新聞 - 網站)前日與國家衛生部長高強會晤後，了解到北京將內地孕婦來港產子的問題，定性為本港內部問題，應由港方自行解決。
-END QUOTE -

香港班廢柴局長真係醜! 入口魚事件昨天香港同國內達成共識, 如香港發現有問題會透過機制與廣東省溝通, 供港海鮮亦回復正常. 解讀: "拿, 你班港官唔好事無大小都上京插我一刀, 咁我就唔會玩你!"

呢單孕婦來港事件又係上京! 你班局長幾時先懂得解決問題? 有咩事上京嘈, 搵巴士阿叔做局長咪得囉, 佢嘈得幾大聲呀!

大把國家見有孕婦係會唔俾入境既. 咁樣做先係最有效既解決方法. 醫院加價有鬼用咩! 國內超生最低罰10萬, 我有親戚話國內有朋友做生意, 超生就罰20萬同唔再續發營業執照... 所以果個朋友都黎左香港生BB..... 咁既情況, 你加價都只可以減少部份問題, 亦會令香港出生人口急升, 引來大串問題如學校是否足夠等等...

整件事件最源本的問題就是國內那不合情理有違人權的一孩政策. 即使香港能用有效的方法阻止內地孕婦拖垮香港醫院, 其他問題亦將在內地出現. 但如問題在內地出現最低限度國內當局會明白問題的嚴重性. 不過佢用咩方法解決就係另一件事.

Instant Message

你有冇用 IM? 唔用就 out 架勒!

我 msn 係 dummytoby@gmail.com. 請 add 我. ICQ 由於太多垃圾, 早已不用. 另外仲有幾個 IM account, 不過都冇用... 所以我都 out out 地.

你切左未?

切包皮可以減低愛滋感染

你切左未?

套套測試員

杜蕾斯招募緊測試員.

兄弟去申請啦! 咪執輸呀!

不過, 如果佢產品出事咪好大劑??

明係玩你香港人

鹹水魚又停埋勒

鬼叫你班香港官員有咩事都直通天庭! 係要玩下你過你兩楝, 吹咩?

塗鴉之石

據報導, 望夫石姻緣石塗鴉最嚴重.

令我記起原來我都影過一張望夫石既相.... 數碼年代, 真係太多相片了!

一字寄之曰蠢

民間電台被落案起訴非法廣播

做咩有 podcast 唔用? 知法犯法, 唔抵可憐. 唔好咩都用言論自由做擋箭牌呀!

i-Tune 下載並不影響 DVD 既銷路

是 Disney 的經驗. 據這報導, Disney 比較 Cars 及 Incredibles 兩套電影的票房, 下載收益及 DVD 收益得出的結論.

香港既電影業要到幾時才懂提供正規下載途徑的好處? 恐怕他們目前正心忙於盤算如何從政府將成立的 "電影發展局" 中爭取自己利益, 沒有時間留意了. 垃圾!

電視轉駁手機不違法

摘自蘋果日報今日既報導:
"工 商 及 科 技 局 局 長 王 永 平 昨 日 書面 回 覆 立 法 會 質 詢 時 表 示 ， 市 民 若 將 家 中 合 法 接 收 的 電 視 節 目 ， 經 電 腦 配 件 轉 駁 至 3G 手 機 或 其 他 無 線 流 動 裝 置 ， 作 私 人 觀 賞 用 途 ， 而 過 程 中 沒 有 涉 及 複 製 有 關 節 目， 就 不 會 構 成 《 版 權 條 例 》 下 的 侵 權 行 為 ， 政 府 沒 有 計 劃 修 例 ， 限 制 有 關 行 為 "

我都好想知點樣先可以用我屋企既電腦做 live streaming 入手機或 PDA 睇呀!! 大多數都係先將節 digitalize 左先入 mobile device 架啦, 咁就已經涉及複製... 到底阿高科技局長有冇玩電腦架?

超級電腦設計薯片

跟據報導, "Pringles potato chips are designed using [supercomputing] capabilities -- to assess their aerodynamic features so that on the manufacturing line they don't go flying off the line,"

使唔使咁誇!!

沒有痛的感覺是最痛

東方吹來的海風，吹不動手背的毫毛。
盛夏烈日的光芒，暖不透頸項的血脈。
音箱傳來的妙韻，震不動沈重的耳鼓。
屏幕上災難影像，觸不起絲微的感動。

欲道盡生活的不快，
指頭亂往鍵盤上敲，
呆看著眼前的閃光，
忽而模糊，執筆而無言。

該痛的怎麼不痛？該悲的怎麼不哭？
望望藍天吹吹秋風，甚麼感覺也沒有了。

原來最痛的感覺是不再懂得痛。

Bank of America embrassed on Youtube

See news here.

America corporation are full of these crap corp-culture internally. Now with the huge internet population, there are more and more hearing and trials in the cyberspace.

The American are smart. The big corps won't stop thinking that way, but they will better package their message before presenting it, internally or publically. There comes the PR guys.

Alex skating

蛇 "嚥" ?

凡參加者, 都要俾條蛇整個人吞落肚... 諗起都恐怖.

最恐怖既就係連區議員辦公室都有d咁既錯字... 冇眼睇!

地產商不希望立法管賣樓花

地產商不希望立法管賣樓花

地產商當然不想啦! 但對大多數香港人來說, 買樓是用上了半世積蓄的. 樓花買賣對消費者存在很大的風險, 本質上亦給予了賣方很多作弊的空間. 加上地產商往往用了最好的律師, 在買賣合約上加上種種只保障賣方利益的條文. 在這樣的情況下, 政府焉能不立法加以管束?

可惜香港是地產商橫行之地. 立法一事恐怕不能成功的了. 哀哉!

1956年古典 Aston Martin 驚現大圍

我估係一代名車 DB2. Condition 非常好, 正!!

中國將有首名太空遊客

路透社消息, 中國將有首名太空遊客.

無論該遊客是誰, 我只希望佢唔好隨太空吐痰. 唔係就失禮死人!

腳痛醫頭既廢官

幾時才再有淡水魚入口? 看來沒那麼快了. 現在是廣東魚場不出口淡水魚, 但香港高官則上北京與質檢當局高官討論, 九唔搭八!

廣東淡水魚場不滿好易理解: 向來香港當局見到是注冊魚場的即自動放行, 極少抽查, 有關魚場或運輸鏈為了生意偷用禁藥不足為奇. 如今出了事 (起因還是傳媒付鈔先檢驗市面上出售的魚, 真可笑) 卻又嚴苛對待, 忽然改變的確令商人難以運作. 問題關鍵跟本就是香港方面從沒一套有效而全面的檢驗及扣留程序, 業界適應不了自然抗議.

如今出事香港高官仍是與國家質檢當局討論, 明顯地還是想將把關的主要責任交給國內. 但大眾的經驗是國內的質檢並不可以完全依賴. 所以香港高官的想法相當不負責任. 加上以大石壓死蟹式的方法直接跟北京談, 地方官員及商定的反感及不合作亦在所難免.

明日全部淡水魚停止供港

明日全部淡水魚停止供港, 但係政府就話唔知!

你班廢柴官, 次次食物有事都係話將問題賴左去內地, 唔係話有不法商人就係內地出口既監測不足, 會同內地官員跟進... 總之就係國內有事, 佢會好幫手咁同國內聯繫跟進. 但係香港冇一個檢測機制佢就唔理, 連注冊魚場其實都係內地注冊.

今次大陸擺明玩香港政府啦. 你話我d魚有毒, 又扣我既船, 又唔知同北京講要出口當局點樣加強檢驗... 費事煩, 索性唔出, 睇你點!

講真, 將貨物既檢驗責任放係出口既一方, 真係聞所未聞, 可能只有香港既食物係咁樣處理!

熊貓都睇4仔

熊貓都睇4仔, 以幫助佢地繁殖後代.

所以大家唔好再鬧谷德昭去買4仔勒..... 佢膝下猶虛.

白痴政客要求九巴裝倒車視像系統

白痴政客要求九巴裝倒車視像系統

係又請願唔係又請願, 都唔知有冇用腦既! 到底巴士有多少機會在公眾路上倒車? 我真係唔記得見過有. 貨車要管, 但就好難去管, 所以爛鬼政客就去巴士公司請願, 旨在擺個姿態而已.

香港有如此冇用既政客, 真係唔得佢死!

好痛呀!

一個不小心, 一刀切到右手食指, 傷口相當深. 住了一晚醫院, 縫了差不多有十針, 還要把指甲起出來縫甲床.

可能有一斷時間都要用細 dc 拍照了. 好痛呀!! 罰抄十次:

我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心
我以後用刀要加倍小心

紙棺材

衛局倡引入環保紙棺材

下次香港再有國家領導人 (例: 政協副主席) 魂歸天國, 你估佢會唔會用? 我俾你估兩次!

真係想推廣好易, 等我出條好橋啦: 成班高官一人訂做一個紙棺材俾自己, 將d紙棺材一字排開, 個高官企係自己個棺材前面, 開記者會. 張相一出, 話唔埋 Times 都羅黎做封面! 到時香港又多個 "環保之城" 既美譽, 幾咁威!

蘇丹紅蛋事件 - 死跟

尋日我都話, 新一批蛋既化驗報告都未出局長就亂嗡廿四. 拿拿拿, 今日報告出左, 證實真係有事.

又睇下呢個白痴局長點解畫!!

Dark energy

Hawkings, you were wrong in 1990's "A Brief History of Times" that human being are close to a Unified Physics Theory. The universe has a lot of puzzles for us to solve, including this intriguing dark energy.

Oh yes, the newer book of Hawkings "Universe in a Nutshell" gave a much more updated development. But the dark energy is not there yet, and I am very interested in reading some latest books.

爛蛋鬥爛官

爛局長上午先講完有問題既蛋冇係香港發售, 我剛剛先 blog 完, 但夜晚就即刻自我踼爆, 證實問題鴨蛋確實曾經賣過.

呢d咁既垃圾政府, 點信你呀? 不過, 唔信佢我又可以點呢?

Shameless copycat

I really can't believe MacDonald, being one of the biggest advertiser in HK, whould accept such a shameless copycat concept. Where are the creative guys in Hong Kong?

安全雞蛋?

周一嶽話市面既雞蛋係安全既, 可放心食用.

真係離譜! 化驗結果都未出佢就知安全? 咁有信心佢又驗乜咁急去化驗呀? 亂嗡廿四!

所謂化驗出係安全只係舊年既事, 到底果堆化驗有冇驗蘇丹紅亦只係含糊其詞 (即係多數係冇驗過). 近幾日先抽查既雞蛋亦未有報告. 詳細既新聞在這裡. 只要心水稍清, 就知d垃圾官員到底有幾垃圾!

澳門 GP - 垃圾級直播

無線播澳門賽車都有39次, 都唔知點解仲可以有咁垃圾既直播! 成班主持都唔係留意個賽事, 而係吹水. 個明星車手講既野直情係冇腦, 其他人因為冇留意賽事, 講到錯晒都冇一個人知!

例如 WTCC race 2, Farfus 一出完東方灣鏡頭都已經見倒架 Alfa 爛左跟住慢晒, 班友就係度吹緊水, 一路入到萄京灣個白痴明星仲講 "睇下花夫斯係唔係仲係第4位先." 妖, 咪o岩o岩炒左囉!!

跟住 safety car 出黎帶左3個圈, 當時 P Terting 係第2, Y Muller 第3, SC 一走 P Terting 架車有問題跟唔倒唔見左, Y Muller 同第一位既 J Muller 爭左十幾廿個車位, 冇幾耐賽會出 drive trough penality 俾 Y Muller (因為 yellow flag 下過 P terting), 班友就話 Y Muller 係 J Muller 既兄弟, 係第2位刻意慢車幫手阻後面既車而被罰, 完全唔記得仲有一個 P Terting! 兩個 Muller 唔同車隊架, 點會咁攪丫. 2 圈後個電視打出 penality suspended, 班友仲吹緊佢點解仲唔入 pit, 又討論緊會點罰佢... 過多一圈電視打出 penality cancelled, 班友就話 Y Muller 被取消資格, 仍繼續吹佢點無間道同係賽車界會點樣個名衰晒... 真係吹漲!

WTCC 有個澳門車手 Couto, 條友早好多年已經賽 F3, 係澳門英雄, 無記就完全冇提佢個名.

最後影番 Farfus 點樣炒車, 白痴明星就話 "嘩, 頭驅車可以楂到打橫甩出黎技術真係好". 大佬呀, 睇車既 setting 架嘛, 你估街車咩!

都係姓毛既車手主持好野, 講野真係有料到. 無奈太多白痴既吹水, 攪到佢都冇時間留意賽事. 李賽車手都有料到, 不過佢埋 mic 既時間唔多.

其他賽事都仲有好多低B野, 例如 F3 影埋架車出黎個明星都仲唔知係邊帶緊頭等.... 太多, 不能盡錄.

納米海濱豪宅

睇見電視廣告用 "納米海濱豪宅" 黎空傳呢個樓盤，幾乎連尋既飯都嘔埋出黎！

個樓盤名就靚勒，價又夠貴勒，但唔好以為佢係 LA, 佢只係在馬鞍山既邊皮，連馬鞍山市中心都算不上！6百幾尺至千3尺、山卡啦、八成實用算係豪宅咩？而家仲用 "納米豪宅" 黎影容... 咁係唔係即係解做 "細細間豪宅"？

到底係呢個社會越黎越反智，定係我 out？

25 分鐘!!

稻香飲早茶，點心良久還未到，於是叫侍應問一下：
我：d點心好耐都未到，麻煩你跟一跟。
侍：你叫左幾耐呀？
我：有兩張單，一張差唔多半個鐘，另一張有40分鐘。
侍：哦，係呀，我地d點心要25分鐘先有架！
我(火火地)：我叫好普通既點心咋播？
侍：係呀，所有點心都要25分鐘架！
我﹝非常火﹞：咩點心要25分鐘呀，蒸隻雞都熟啦！你再講多次要幾耐！你又睇下我兩張單落左幾耐！止唔止25分鐘呀而家！你叫部長黎，解我聽點解要25分鐘！

結果點心當然好快就到。但係點解唔一開頭就講句〝對唔住，我幫你睇睇。〞？咁垃圾既侍應，番入去洗碗啦！

AGAC, updated

Art Gallery of Alex Chiu, UPDATED.

Alex's Brithday Party

Other photos here.

Twinkle Twinkle Little Star

Bye history!

陳馮富珍

珍姐當選了! 世衛總幹事 - 一個睇落好似會影響全世界人健康既職位. 好威呀!

珍姐當選完全係中國因素. 南中國係世上近幾次重大疫症既發源地 - 68年大流感, 禽流感, 沙士... 雖然中國近年經濟開放, 但政治仍然封閉, 疫病消息仍不能及時發佈. 呢個係目前世界上其中一個重大既衛生危機. 珍姐身為中國代表, 亦對南中國有深入既認識. 佢當選世衛總幹事有一定好處. 不過話說回來: 佢都係世衛做了幾年啦, 點解這幾年中國既衛生通佈好像沒甚進展?

其實, 消息開放與否完全由中國政府話事, 硬是不肯開放其他國家亦奈她不何. 今次推珍姐上場, 想進一步蹈上國際政治舞台是原因; 但同時亦希望能壓住一下來自世衛對中國的批評.

電視上見珍姐好像改了一點, 不再像從前在香港時一樣沒想清楚便亂說一通. 希望她可以保持下去, 不要最講甚麼: "我日日都食雞!" 等既廢話. 不然的話, 醜死香港人!

WIMAX

Samsung launched a new WIMAX Phone, for the Korea Market.

As I blogged almost half years ago, WIMAX is on the way in many cities around the world, including China. Too bad HK not even started discussing WIMAX. Perhaps the Li's family is too busy in selling PCCW and ditch away from the mess.

晞晞彈琴 - Mickey Waltz

熱愛基本法

咁鬼死肉麻既宣傳歌, 真係頂佢唔順!!

歌詞 hardsell 得咁肉酸, 我真係好想知邊條茂李寫!

Piano boy

Alex singing and playing.

Alex in playground today

More surf photos

今日滑浪相

用 F10 加 潛水殼影, 好好玩. 不過太陽太猛, 睇唔倒 viewfinder, 基本上non-finder 影.

澳門兩天遊

駝鳥滑雪

勁!!

施政報告要支持電影業

真係白痴既政策!

香港大把行業都死下死下啦, 又唔見政府整個咩局去扶持一下? 拿, 香港曾經夠係世界假髮中心啦, 政府又唔去整個假髮局去扶下假髮業? 電影業連影碟計埋一年得果幾十億產值, 只係佔 GDP 1-2% 產值, 養晒都係幾萬人, 真係咁值得扶持?

電影業內班人一味靠賴, 好耐以前賴水貨影碟搶走入場觀眾 (因為當時拍戲好多時係先收賣埠錢再開拍, 外地既影碟有機會同香港公影同期出現). 好勒, 立左法影碟同 cd 18個月後先可以入口. 跟住又賴翻版, 而家又賴 bt....

我想問句, 一套電影最重要既係咩? 你估真係電腦特技? 連李安都話揀劇本最緊要係故事啦! 香港電影上一位出名既編劇係邊位? 電影業將故事既地位放到咁低, 又邊會大收丫?

而家既大勢已經係網上下載, 再用電腦或細 sceen 睇 video. iPOD 同 Amarzon 賣左幾多 video? 當中有幾多 Hollywood 野? 香港電影業諗緊未呀?

再下一輪就係唔興睇電影, 而興睇劇. Spielburg 早幾年已經開始拍高質電視劇, Lucas 都話可能唔再拍大製作既電影而拍長劇, 因為未來internet 上既 pay-per-view model 係對多產有利. 再加上值百幾億美金既 youtube 上有大量短片, 幾億銀拍兩個鐘真係好大 risk. 香港? d 導演係冇野撈先去外地拍劇, 完全冇諗到呢個可能係未來既財路. 又係既... 而家既華語劇仲係拍緊金庸既神鵰, 已經50年有多啦大佬! 有冇新劇本呀?

咁既工業你個政府仲要去扶? 有冇攪錯?

白頭到老的幸福

搭巴士途上看見的一雙老戀人。全車程足四十分鐘吧，不是頭靠頭便是頭依偎著肩。雖互不交談，但甜蜜之意盡在不言中。

幸福不就是那麼簡單嗎？

欣欣生日會

一歲生日就攪生日會, 真幸福!

其他相係呢度.

肉酸路牌

寫靚d字啦!! "香港" 二字, 真係俾d垃圾寫衰晒!

Alex with the bones

煙三文魚鮮果沙律

意粉屋既, 唔錯.

Alex on ice

He can skate on ice by himself now.. actually a few months before.

清涼!!

Sunset in Shanghai

夠薑塗鴉

塗鴉寫埋學校名, 你真係夠膽定係唔知醜?

名店優質服務

地點: 某高級商場內既身體店

顧客: 我早幾個月係身體店買左d野, 尋日開黎用先知原其中一支係 tester 黎, 麻煩你換番啦. (嘩, 連 tester 都當貨賣?)
店員: 請問小姐你有冇單?
顧客: 幾個月前買既, 冇單咯.
店員: 咁小姐你係邊間買架?
顧客: 我係沙田新城市買既, 但唔知而家間 shop 搬左去邊.
店員: 哦, 果間未開番. 小姐你留低電話啦, 我要請示區長. 今日內覆番你丫.
顧客: 請示? 你點都要換番俾我架啦, 係你地俾錯貨之嘛.
店員: 係既. 不過你件貨唔係呢間店買, 我要請示區長先知點out數.
顧客: 你點out數係你公司既事, 你咪換左俾我先再慢慢請示點 out 數囉.
店員: 我會好快覆你架勒, 或者你行陣商場先啦.
顧客: 我行左好耐勒! 而家返屋企架勒. (唔番屋企都唔等你啦)
店員: 好啦我換俾你啦. 你 check check 呢一支啦. (仲要邊換邊扁咀)

-----

大公司.... 我超!

香口膠塞電掣

竟然係公立圖書館內! d 人真係冇品到離譜. 奇又奇在冇人去清理... 舊香口膠好明顯係整左好耐已經硬晒.

周街晒菜

幾咁有小漁港 feel 呀! 掂呀! 一於開個晒菜中心, 咁又可以變成旅遊景點, 促進經濟繁榮, 推動祖國昌盛!

賤人 graffitti 友

我對 graffitti 冇咩反感, 如果有風格又靚既 graffitti, 我都會幾欣賞. 總好過白奶晒或者灰蚊蚊一幅牆.

但噴呢幅 graffitti 既人正人渣! 人地學校既外牆用畫裝飾你都要噴左人地既, 仲要唔係靚, 都唔知咩心態! 如果係想有d野係街度俾人知仲有你既存在, 好易遮! call 齊方向同生果報既記者, 當眾食屎, 話係控訴香港街道用既石屎太硬... 保證頭版有你份!

打打下機見倒貞子

http://www.youtube.com/watch?v=zaG0jt00k8U

越整越唔方便既 PowerPoint

我頂丫... 做咩新version 越整越唔方便架?

舊版本要 insert jpeg 圖片, 只需同時打開兩個窗口, 將個快勞 drag-and-drop 入 PowerPoint 求就可以加相... 新版本, drag-and-drop 只係加左唔知咩Q 既 OLE link... 又要打開 insert manual 先可以加相入去. 大佬呀, 我加幾十張相, 凈係用insert command 內既 file browser 有排我搵呀, 整慢晒我. 頂!!

不過將 pdf, ppt, doc, xls 等 drag 入去就可以有 preview 加 hyperlink, 都仲算方便.

卒之整好成個 presentation 既 draft... 凈 ppt file 有成 10 MB. 仲未搵倒點叫 Powerpoint 將入左去既 jpeg resample... 真煩. 連晒d外連既 appendix file, 有成百幾 MB... 唔計 mpg file 都有.... 成廿幾 MB... 而家D presentation 真係.... 唉. e-mail 俾人都唔得, 要 set ftp!

公式

網上看見這公式:
------

1) 人=吃飯+睡覺+上班+玩

2) 豬=吃飯+睡覺

將公式(2)代入(1):

人=豬+上班+玩

兩邊各減去玩：

人-玩=豬+上班

結論：

不懂玩的人=會上班的豬

領匯商場

 

領匯管理, 果然係零舍唔同 - 你睇幾多吉鋪!

吉鋪越多, 人流越少. 人流越少, 現存店舖更難生存. 店鋪唔賺錢, 繼續結業.

呢d就係 "反映市值租金" 既後果. 高招!

佢老闆個食蕉仲幫手趕客: 見我影相就話 "商場唔俾影相". 巴閉勒! 裡面真係好多商業機密勒. 

重遊愛民村

 

一個我生活了二十年的地方. 至今未有多大的改變. 感覺, 很是親切. 

B 字頭既名牌, 低 B 既設計

 

呢個電池蓋, 次次換電都攪一輪先可以開倒, 個設計真係仲衰過d大陸嗜死人電燈籠! 睇佢個爛鬼膠勾亦都唔慌會耐用得去邊. 好心佢參考下人地10蚊兜既電筒啦, 擰入去咪一樣可以防水. 死蠢.

佢咁求其就整件產品出黎, 怪唔知呢幾年多左咁多牌子出電牙刷搶佢飯碗啦. 抵佢死架!! 

New blog again

My Pentax Blog

Just to share photos and opinions about photo gears, mainly Pentax (that's what I have). I don't expect myself to update the site very frequently.

東芝都回收電池勒

Dell 回收完, Apple 又回收, 而家 Toshiba 同 IBM 都回收勒... 一共幾百萬粒電! Sorry 呢次真真大獲.... 不過都抵佢死. 出埋d著火九流電. 鬼唔望佢收晒番總部後火燒佢後欄!

喂喂... 我部 Fujitsu 舊電都死下死下... 幾時回收埋我舊電呀? 係就快!!

好味叉燒

 

入口溶化, 真係好好味! 

上海飛番香港 - 頂!!

Check-in 已經要頂! 個個航空公司既 count 都排成九個字先可以 check-in... 乜而家中國人工好貴咩? 請多d人啦好心.

入到出境 count, 又要頂!! 中國唔係有的是地方咩? 得果少少 counter, 又係排長龍. 仲要填埋d冇人check冇人睇既出境卡同報關卡, 晒紙晒時間!

到 security check 勒, 又要頂!!! 好多笨星旅客 (係5星果隻) 晒到去個 X 光機先將野慢慢摷出黎. 等到扒係度! 到我勒, 個海關要我將電腦羅出黎分開scan... 有冇攪很錯呀! 好, 見你有槍, 忍你!

入到去, 坐低飲咖啡. 都預你貴格勒, 喂你都可以好飲少少丫. 叫 latte 你唔係用蒸餾咖啡整下話? 仲淡過咩! 頂!!!!

都坐低飲啦. 將個電腦袋由車仔羅出黎, 羅個 palm 睇下野. 架車仔就放張檯旁. 一轉面, 架車仔就俾個工人收左走, 叫都叫唔住! 係唔係盲架? 兩個人坐係度, 你都問下架車仔仲要唔要丫... 當我死既, 話收就收! 我個 gate 好遠呀. 頂!!!!!

等上機勒. 要坐巴士都算勒... 你唔係兩班機一齊係同一個gate 入閘下話? 乜乜班機係咩34號gate 既左邊排隊, xxx 班機又係34號gate 右邊排隊. 兩條長龍一齊上機, 奇景. 頂!!!!!!

上左機, 等!! delay左半個鐘, 機師詰未有航道, 排第三, 唔知幾時飛. delay一個鐘, 機師話仲係排第三, 排第一既已經有時間, 但我班機仲係未知幾時. 卒之, delay 左一個鐘又9個字! 據知係軍方用左民航既航道, 所以呢排成日都係咁! 我頂!!!!!!!

總之就頭頂到尾, 一共七個頂, 名符其實頂七佢! 頂頂頂頂頂頂頂!!!!!!!!

單車大晒!!

 

大晒啦你! 有人要用電話亭時點攪呀? 要泊你地d廢鐵單車, 周街都係位啦. 係都要泊係電話亭前, 都唔知話你地 "冇腦用" 定話你 "腦冇用" 好!