對話2則

晞: 媽媽, 第二時我大個左會俾錢養你架. 我俾3蚊你丫...
V: 吓? 得3蚊咁少? 點養我呀?
晞: 咁牙..... 咁我俾8蚊你啦....
V: 8蚊都係好少咋播!
晞: 8 蚊好多錢架... 你成日都話用8蚊去玩甲虫卡機 (冒險樂園入面既一架電子遊戲機) 好多錢架嘛...
V: #^#$@%$@@$%@^!

==================

晞: 你知唔知邊個中文字最難寫丫?
V: 邊個呀?
晞: 醫生個醫字, 同埋護士個護字都係最難寫既!
V: 好難寫咩?
晞: 係呀. 因為佢最多野講, 所以咪最難寫囉...
V: 你阿多野講啦, 咁 "趙朗晞" 咪好難寫囉?
晞: 我唔係多野講呀. 我多野問之嘛!
V: ...........