禁煙條例早已籌備多年, 一早定好幾時係所有公園禁煙, 有咩理由要用白紙電腦printout 加過膠做禁煙告牌? 又唔係早一晚先知道, 理應一早準備好三幾千個可以長用既告示牌, 法例一開始就已經將所有牌放好! 天星碼頭未搬之前幾日就改好晒中環區既碼頭方向指示.... 呢個政府都唔知做咩!
人地東京都一樣好多地方禁煙, 例如新宿就成個區禁止一路行一路食煙. 但行不遠就係地面大大隻字日/英雙語有告示, 英文亦好有禮貌咁寫 "Please refrain from smoking while walking...", 唔會好似香港咁死實實既 "No Smoking". 更有整得好好既吸煙區 - 有圍板, 有座椅, 有抽氣系統, 有暖氣. 一眾煙民有適當設施可用, 又唔會影響非煙民, 好! 唔使好似香港咁企晒係路邊, 唔會咁易引起吸煙與非吸煙人士間的衝突... 咁先可以有和諧社會架 - 唔係得個講字!
No comments:
Post a Comment