問政府

打去 1823:
"唔該我想問一問係私人業權既公眾地方內攪活動有冇咩野要申請架?"
"等我查一查..... 應該有個 "公眾場所娛樂牌照", 要向食環處申請. 你可以打去 xxxxxxxx 食環處牌照部問"
(好快好清楚, 抵讚!)

"係唔係食環署牌照部? 我想問一問 "公眾場所娛樂牌照" 係管d咩野?"
"errrr... 我呢個部唔負責呢個牌, 請問你邊一區邊條街架? 我俾分區辦事處既電話你打去問啦"
"乜而家香港唔同地區有唔同法例既咩? 點解你要知咩區呀?"
"errrrrr..... 因為呢個牌唔係總部負責既, 所以要分區辦事處先知詳情架...."
"我只係問個牌照管d咩咋播!! 分區負責你地總部就唔知既咩? 分區辦事處唔係總部管既咩? 總部都唔知個牌照管d咩野咁點樣管分區呀? 你成個總部牌照部冇人答倒我呢個咁基本既問題既咩??"
"errrrrrrrrrr.... 因為真係分區既幫辦負責, 總部真係唔知咩情架... 先生你邊一區架? 我俾分區電話你丫..."
"分咩區遮! 你敢唔敢話俾我聽香港唔同地區有唔同法例丫? 係既我就話俾你聽我邊一區!"
"errrrrrrrrrrrrrrr..... 又唔係既.... errrrrr"
"咁事旦一區啦.... 尖沙咀啦"
<舒一口氣地> "個電話係 xxxxxxxx, 多謝查詢......"

"係唔係尖沙咀食環處? 我想問 "公眾場所娛樂牌照" 係管咩範圍架?"
"先生你可唔可以講邊條街? 我俾番負責果位幫辦個電話係問丫"
"唔同街個法例唔同既咩? 因為商業機密, 我唔鐘意話俾你知咩街. 咁你有冇人可以答我丫?"
"d幫辦真係出晒去做野...."
"d法例唔係幫辦定架下嘛? 我只係問法例既野, 冇其他人可以答既咩?"
"errrrrrrrrrr.... 咁先生你等一等啦...."

玩左一大輪.... 卒之有個人可以好清楚咁解釋左呢條咁on-q 既法例同牌照我知.... 哈!!